Fitxategi digitalak zuzenean paperean inprimatzeko prozesua da.
Bolumen txikiko / tirada laburreko eta entrega-denbora oso laburreko inprimatze-proiektuetarako aproposa da.
Alde onak:
- Tirada laburretan, offset inprimaketa tradizionala baino merkeagoa da. Inprimatze-gastua benetako komunikazio-beharretara egokitzeko aukera ematen du.
- Diseinuak maizago berritzeko aukera ematen du, bai eta, hortaz, beti material inprimatu eguneratua izateko ere.
- Inprimatze-kalitate handia (offset inprimaketaren oso antzekoa).
- Askotariko inprimaketa-euskarriak (ohiko offset papera, paper birziklatuak, iztukatuak, etab.).
- Akabera bereziak inprimatzea (tinta fluoreszenteak, metalikoak, urre-kolorekoak, erliebeak, bernizak, etab.).
- Produkzio-denbora laburragoak. Fitxategia zuzenean inprimatzen da inprimatze-makina digitalean.
- Dokumentuak batera pertsonalizatzeko aukera ematen du (datu aldakorra). Oso erabilgarria da marketin-kanpainetan, mailing-bidalketak egiteko segmentazio-estrategietan. Egungo merkatuan, beharrezkoa da publizitate-xedea gero eta gehiago zehaztea, kanpainak ahalik eta errentagarrienak izan daitezen; beraz, horrelakoetan, kostuak txikitzea interesatzen zaigu. Inprimaketa digitala kontuan hartu beharreko prozesua da, malgua delako eta tirada laburretan kostu txikia duelako.