Erakusgaiak

Produktu inprimatuen erakusgai bat katalogo/euskarri inprimatu bat da, sustatu nahi dugun produktuaren lagin errealak erantsi ahal izateko modu egokian inprimatua.

Produktu-mota

Erakusgai batekin makina bat produktu susta ditzakegu. Hona hemen horietako batzuk:

  • Osagai elektronikoak
  • Parketak eta zurezko altzariak
  • Aluminiozko profilak, ateak eta leihoak
  • Haitzurdinak, harriak, zoru sintetikoak eta zeramika
  • Edertasun-produktuak
  • Produktu farmazeutikoak
  • Ehungintzako produktuak
  • Inprimatzeko paperak
  • Tresna elektrikoen, kableen eta etxetresna elektrikoen sektorea
  • Margoak
  • Morteroa
  • Isolamenduak eta isolatzaileak
  • ...

Nahitaezkoa da produktu bakoitzarentzako konponbide egokia aztertzea. Erabili beharreko materialak, formak eta azken akaberak aldatu egiten dira, produktu-motaren arabera.

Inprimaketa

Erakusgai bat bi aldeetatik inprimatzen da normalean, jarraian azaltzen diren moduetako edozeinetan:

  • koloretan (kuatrikomia)
  • beltzez
  • bi koloretan
  • Pantone koloreetan
  • horien guztien konbinazio batean

Batzuetan, Pantone koloreak edo tinta bereziak erabiltzen dira kolore-sorta zabaltzeko, kolore deigarriekin arreta erakartzeko edo, besterik gabe, enpresaren kolore korporatiboetara egokitzeko.

Materialak

Erakusgaiak fabrikatzeko edozein euskarrik eta materialek balio du, baina gehienetan kartoia, PVC, polipropilenoa, paperezko xafla inprimatuak edo horien guztien konbinazio bat erabiltzen da.

Ohikoa da xaflak paperean inprimatzea eta, ondoren, plastifikatzea, ondo babesteko.
Gero, lamina horiek kartoi baten kontra itsasten dira, eta, horrela, erakusgaia egiteko erabiliko den azken materiala lortzen da.
Behin betiko forma emateko, neurrira egindako trokela erabiltzen da.

Hainbat material konbinatzeak diseinurako eta akabera desberdinetarako aukera zabala ematen digu.

Erakusgaiez gain, dokumentuak karpeta pertsonalizatuetan eta neurrira egindako karpetetan artxibatzeko eta aurkezteko aukera ere eskaintzen dugu. Katalogoetarako, fakturetarako, kongresu eta mintegietarako edo edozein agiritarako karpeta uztaidunak.

Alde onak

ORVYn pentsatzen dugu produktu bat katalogoekin, dokumentuekin eta erakusgai on batekin ondo aurkeztea oso garrantzitsua dela marketin-tresna gisa, eta enpresaren eta bertako produktuen irudia nabarmen hobetzen laguntzen duela.

Horregatik, gure bezeroekin batera garatzen ditugu proiektuak, modu guztiz pertsonalizatuan gauzatzen ditugu, "neurrira", eta bezeroen premietara egokitzen ditugu, kalitate handiko materialak erabiliz.

Nolabaiteko konplexutasuna duten proiektuetan, erakusgaiaren aurretik maketa zuri bat ere egin daiteke, behin betikoa, fabrikatzen hasi baino lehen diseinuko edozein akats zuzentzeko.