Eranskailuak

Eranskailu deritzogu paperezko edo binilozko orri batean inprimatutako edo serigrafiatutako testu- edo irudi-euskarriari, atzealdean itsasgarri-geruza mehe bat duenari.

Orri hori paper silikonatu edo “transfer” batean itsatsita dago, itsasteko ahalmenari euts diezaion, gainazal batean jartzea erabakitzen dugun arte.

Hala ere, badaude geruza itsasgarririk behar ez duten eranskailuak; esate baterako, eranskailu elektrostatikoek ez dute behar, oso gainazal lauetan jartzen baitira, hala nola kristalean edo zeramikan.

Produktu honen ezaugarriak direla eta, oso egokia da inprimatutako mezuak hainbat gainazaletan erraz eta merke finkatzeko.

Formatua

Ez dago eranskailuak inprimatzeko formatu estandarrik, bezeroaren beharren arabera egiten baitira.

Horrenbestez, askotariko eranskailuak aurki ditzakegu; besteak beste, formatu handiko publizitate-eranskailuak eta produktuak etiketatzeko etiketa itsasgarri txikiak, tamaina eta forma guztietakoak, erabileraren arabera.

Batzuetan, eranskailuak trokelatu egin behar izaten dira, zenbait forma emateko (zirkularrak, obalatuak…).

Inprimaketa

Eranskailuak offset inprimaketaren edo inprimaketa digitalaren bidez inprima daitezke, paperezko edo binilozko orrietan. Alabaina, hori ez da eranskailuak inprimatzeko modu bakarra.
Gaur egun, askotariko produktu itsasgarriak inprima daitezke bobinan zuzenean, eta inprimatzeko modu asko daude, hala nola serigrafia, flexografia, laser grabaketa eta grabaketa mekanikoa...

Oro har, eranskailuak alde batetik soilik inprimatzen dira, baina badaude bi aldeetatik inprimatzen direnak ere. Eta, ohi bezala, honela inprima daitezke:

  • koloretan (kuatrikomia)
  • beltzez
  • bi koloretan
  • Pantone koloreak edo tinta bereziak
  • aurrekoen arteko konbinazioak
Euskarria

Eranskailuak egiteko, hainbat material erabil daitezke, baina, batez ere, honako hauek: paper iztukatua, offset papera, paper berjuratua, material metalizatua, termikoak, biniloak…

Eranskailu-motak eta erabilerak

Erabileraren arabera, zenbait eranskailu mota daude:

  • termoplastikoak
  • termoegonkorrak
  • ukipenekoak
  • beroan urtzekoak (Hot-Melt)
  • presioarekiko sentikorrak
  • berriz hezegarriak

Eranskailuak hainbat sektoretan edo eremutan erabiltzen dira:

  • Elikadura
  • Edariak
  • Garbiketa
  • Perfumeria eta kosmetika
  • ...

Azaldu zure beharrak, eta horietara ondoen egokitzen den konponbideari buruzko aholkuak emango dizkizugu.