Agendak liburu- edo koaderno-itxurako produktuak dira. Zati zuriak dituzte, hitzorduak, gertaerak (pertsonalak nahiz profesionalak) eta egiteke dauden gaiak gogoratzeko eta planifikatzeko oharrak idatzi ahal izateko.
Esan daiteke agenda dela eguneroko zereginak denbora-ordena jakin batean kudeatzeko erabiltzen dugun baliabidea.
Ez dago agendak egiteko formatu bakarra. Hala ere, oro har, haien ezaugarri nagusietako batek erabiltzeko erraztasuna izan beharko luke. Hori dela eta, komeni da formatu txikiak eta erosoak erabiltzea; esate baterako: A5, A5 etzana, A6, 21x21, 16.5x23,5 edo 10x15.
Alabaina, edukien arabera beharrezkoa bada, formatu handiagoa ere aukeratu dezakegu, hala nola A4.
Koloretan (kuatrikomia), beltzez edo mistoa.
Agendaren barrualdea egiteko, offset papera erabiltzea da ohikoena, oharrak idazteko aukera hobea ematen baitu. Hala ere, paper horretako orriez gain, informazioa soilik duten orriak ere jar daitezke. Horietarako, paper iztukatua erabil daiteke, edo, behar izanez gero, beste paper berezi jakin batzuk.
Agendaren azalari dagokionez, aukerak mugagabeak dira, baina ohikoenak hauek dira: iztukatuak, offset papera, paper birziklatuak eta beste paper berezi batzuk.
Agendak azaleztatzeko metodorik ohikoenak honako hauek dira: Wire-o sistema, kiribila, paper-azal fresatua edo josia eta azal gogorra.
Agendetan gehien erabiltzen diren azal-motak honako hauek dira: azal sinplea eta azal gogorra.
Azal gogorrak: Azaleztapen-mota honetan, barruko orriak 2 edo 2,5 mm-ko lodierako kartoizko azal zurrunez daude estalita.
Wire-o sistemaz edo kiribilez azaleztatutako agendetan ere, oso ohikoa izaten da aurreko eta atzeko azalak material zurrunez, PVCz edo polipropilenoz estaltzea, iraunkorragoak izan daitezen. Orobat, ohikoa da azal horietan ere inprimatzea.
Hauek dira azaletan eta, behar izanez gero, barruko zenbait orritan erabil daitezkeen baliabide eta akabera batzuk:
Plastifikatuek eta laminatuek produktua babesten dute, denborarekin honda ez daitezen.
Eskuarki, urteko egunen datak adierazten dira agenden orrietan, hilabeteka edo asteka ordenatuta, eta oharrak eta datu pertsonalak idazteko tokia izaten dute.
Gainera, beste mota bateko informazio-orriak ere izan ditzakete, agenda-motaren arabera eta nork erabili behar duen kontuan hartuta. Informazioa, kasuaren arabera, askotarikoa izan daiteke. Hona hemen adibide batzuk: tokiko santuen izendegia, errepide-mapak, helbideak eta telefono erabilgarriak, neurriak bihurtzeko taulak eta ilargialdiak.
Agenden iraupen erabilgarria urtebetekoa izaten da, baina eskola- edo kirol-egutegi jakin batera ere egokitu daiteke.
Agendak eskolakoak badira —haurrentzat eginak— plastikozko kiribilak erabiltzea da gomendagarria, istripuak saihesteko.