Egutegiak

Egutegi bat dokumentu inprimatu bat da, hilabeteak eta egunak dituena, eta bestelako informazioa (efemerideak, ilargi-faseak, itsasaldiak,...) ere bai, aukeran.

Urte osorako balio du eta oso tresna praktikoa eta eraginkorra da datak begiratzeko eta ekitaldi, hitzordu edo jardueren oharrak idazteko. Beraz, etxeetan eta enpresetan asko erabiltzen da, apaingarria izateaz gain, oso erabilgarria eta praktikoa delako.

Egutegiak inprimatzea marka baten irudia indartzeko modurik merkeenetakoa eta eraginkorrenetakoa dela esan liteke.

Formatua

Hainbat egutegi-mota daude, eta formatu eta neurri ugari mota bakoitzarentzat. Hauexek dira ohikoenak:

  • Poltsikoko egutegiak: bisita-txartel baten antzekoak, baina zertxobait handiagoak. Ertz biribilduak izan ditzakete. Oro har, aurrealdean irudi bat egoten da, eta atzealdean egutegia.
  • Mahai gaineko egutegiak: era askotakoak daude, hala nola xumeak, triangelu-formakoak, wire-o dutenak (hainbat xafla eta idulki bat), piramidalak,...
  • Hormako egutegiak: Hainbat eratakoak izan daitezke (hegaldunak edo gabeak, wire-orekin koadernatuak,...).
  • Egutegi grapadunak: horman ezartzeko. Grapatutako aldizkariak balira bezala egiten dira; ondoren, zulo bat egiten zaie zintzilikario gisa, horman esekitzeko.
  • Asteko agenda-egutegiak: hainbat formatutakoak. Oro har, 52 orriko takoak izaten dira (aste bakoitzeko bat), eta horietako bakoitzean oharrak idazteko aukera egoten da, asteroko agenda bailitzan.
  • Egutegi bereziak: forma bereziak dituzten egutegiak dira. Neurrira egindako trokelak erabiltzen dira, itxura originala eta dibertigarria emateko edo, besterik gabe, atentzioa erakarriko duen beste zerbait eskaintzeko.
Inprimaketa

Egutegiak bi aldeetatik inprimatzen dira normalean, eta jarraian azaltzen diren moduetako edozeinetan:

  • koloretan (kuatrikomia)
  • beltzez
  • bi koloretan
  • Pantone koloreetan
  • horien guztien konbinazio batean

Batzuetan, Pantone koloreak edo tinta bereziak erabiltzen dira kolore-sorta zabaltzeko, kolore deigarriekin arreta erakartzeko edo, besterik gabe, enpresaren kolore korporatiboetara egokitzeko.

Bestalde, askotan, produktuaren inprimaketan efektu gehigarriak eransten dira: besteak beste, lamina plastifikatuak, UVI/ drip off berniza (irudien zati bat nabarmentzeko) eta urre edo zilarrezko estanpazioa.

Euskarria

Merkatuan aukeran dagoen edozein paper-motatan inprima dezakegu gure egutegia. Dena den, paper-motarik ohikoena iztukatua da, distiraduna zein matea.

Offset paperak eta paper birziklatuak ere nahiko euskarri erabiliak dira produktu-mota horretan.

Azken horiez gain, badira originaltasunagatik kontuan hartu beharreko beste paper-mota batzuk, beste euskarri batean inprimatzeko aukera ematen digutenak.

Oro har, egutegi-mota batzuen idulkiak inprimatzeko eta fabrikatzeko kartoia erabiltzen da, sendoa, gogorra eta iraunkorra delako.

Aholkuak

Egutegiaren formatua eta tamaina ondo aztertzea komeni da. Egutegiari gerora emango diogun erabilerarako formatu egokiak aukeratu behar ditugu. Egutegiaren formatua txikiegia bada, irakurtezina izango da horma batean zintzilikatuta, eta, handiegia bada, ezingo dugu idazmahai gainean jarri.

Ahal den neurrian estandarretatik ihes egiten saiatu behar dugu eta egutegi originalak edo desberdinak diseinatu, marketin-tresna gisa hobeak direlako. Egutegi bat originala eta praktikoa bada, gure bezeroek urte osoan gordetzeko aukera handiagoa izango dugu.

Diseinuari dagokionez, hona hemen gure gomendioak:

  • Kolore korporatiboak nabarmendu.
  • Istorio bat garatu edo diseinu-ildo bera mantendu egutegiko orri guztietan.
  • Atentzioa emango duten argazki eta ilustrazio originalak erabili.
  •  Kalitate handiko irudiak eta diseinuarekin bat datozen gaiak erabili.
  • Zure produktua edo zerbitzua nabarmendu egutegiaren barruko lekuren batean.
  • Ez ahaztu alde praktikoa. Egutegiak irakurgarria, erabilgarria eta praktikoa izan behar du.